Հայ ժողովրդի անունից ջերմորեն ողջունում եմ ձեզ COP17 համաժողովին։ Եկեք միասին պարտավորությունները վերածենք գործողությունների՝ պահպանելով կենսաբազմազանությունը, հզորացնելով համայնքները և կառուցելով դիմակայուն ապագա բոլորի համար։
Նիկոլ Փաշինյան
ՀՀ վարչապետ
Ուրախ եմ ողջունել ձեզ COP17-ին։
Կլիմայական փոփոխությունների և կենսաբազմազանության կորստի արագացման փուլում այս համաժողովը կարևոր հնարավորություն է ամրապնդելու համագործակցությունը, բարձրացնելու հավակնությունները և պարտավորությունները վերածելու գործնական քայլերի։
Անտոնիու Գուտերեշ
ՄԱԿ-ի գլխավոր քարտուղար
Բարի գալուստ COP17։
Հայաստանը պատիվ ունի հյուրընկալելու այս կարևոր համաշխարհային համաժողովը, որը միավորում է կառավարություններին, փորձագետներին և քաղաքացիական հասարակությանը՝ կլիմայի և կենսաբազմազանության պահպպանության ուղղությամբ համատեղ գործողություններն առաջ մղելու համար։
Համբարձում Մաթևոսյան
ՀՀ շրջակա միջավայրի նախարար
«Կենսաբանական բազմազանության մասին» կոնվենցիայի անունից ջերմորեն ողջունում եմ Ձեզ COP17-ին։ Սա մեր հնարավորությունն է խոստումները վերածելու չափելի առաջընթացի՝ վերականգնելով բնությունը, հզորացնելով համայնքները և ապահովելով ապրելու համար պիտանի մոլորակ։
Աստրիդ Շոմակեր
Կենսաբանական բազմազանության մասին կոնվենցիայի (CBD) գործադիր քարտուղար
Կանաչ գոտի (Հանրային)
COP17-ի բաց, հանրության համար հասանելի տարածք, որտեղ ներկայացվում են նորարարությունները, համայնքների ձայները և իրական լուծումները։
Ում համար է նախատեսված․
Լայն հանրություն, երիտասարդներ, ՀԿ-ներ, ակադեմիական շրջանակներ, արվեստագետներ, նորարարներ, լրատվամիջոցներ։
Ինչ է տեղի ունենում․
- Ցուցահանդեսներ, ցուցադրություններ և ինտերակտիվ ինստալացիաներ
- Համայնքային քննարկումներ, ցուցադրություններ և մշակութային ծրագրեր
- Ամենօրյա «Հանդիպում գիտնականների / ոլորտի մասնագետների հետ» հանդիպումներ
Ինչպես միանալ․
Բաց մուտքով ծրագրեր (որոշ միջոցառումների համար, տեղերի սահմանափակ լինելու պատճառով, կարող է պահանջվել անվճար գրանցում)։
Կապույտ գոտի (Պաշտոնական)
COP17-ի պաշտոնական բանակցային տարածքը, որտեղ Կողմերը, դիտորդները և փորձագետները առաջ են մղում Կունմին–Մոնրեալի կենսաբազմազանության գլոբալ շրջանակը։
Ում համար է նախատեսված․
Հավատարմագրված Կողմերի պատվիրակություններ, միջկառավարական մարմիններ, հավատարմագրված դիտորդներ, տեխնիկական փորձագետներ, հավատարմագրված լրատվամիջոցներ։
Ինչ է տեղի ունենում․
- Գլխավոր նիստեր և կոնտակտային խմբերի հանդիպումներ
- Բարձր մակարդակի հատվածներ և նախարարական հանդիպումներ
- Թեմատիկ կլոր սեղաններ և ճեպազրույցներ
- Որոշումների նախագծերի քննարկում, հաշվետվություններ և առաջընթացի գնահատում
Մուտք․
Պահանջվում է հավատարմագրում․ գործում է անվտանգության ստուգում։